Ағымдағы жылғы 12 желтоқсан күні ҚазҰАЗУ базасында 610 білім алушы мен профессор-оқытушылар құрамы үшін “KazNARU EdTech Lab Сoursera” компьютерлік мамандандырылған аудиториясы ресми түрде ашылды.

ҚР Президенті Қасым-Жомарт Тоқаевтың тапсырмасы бойынша қазақстандық жоғары оқу орындарына “Сoursera” халықаралық платформасы енгізіле бастады, ол әлемдік деңгейдегі жоғары сапалы білімге қолжетімділікке жол ашады.

Компьютерлік сыныптың ашылу салтанатына Қазақ ұлттық аграрлық зерттеу университетінің Басқарма Төрағасы – Ректоры, ҚР ҰҒА Вице-президенті, профессор Ақылбек Күрішбаев, Халықаралық «Қазақ тілі» қоғамының және “BMG UpSkill” компаниясының басшысы Рауан Кенжеханұлы және ҚазҰАЗУ Басқарма Төрағасы – Ректордың орынбасары Айнұр Қайырбаева, “Білім беру бағдарламаларын жобалау” кеңсесінің басшысы Жанар Құсайынова, университет бойынша платформа тәлімгері Сәбит Бұтақұлов және факультет декандары қатысты.

Компьютерлік аудиторияны “BMG UpSkill” компаниясы ҚазҰАЗУ тарапына өз күшімен жасақтап берді.