Академиялық әлеуетті нығайту мақсатында биыл Coursera жобасына еліміздің 93 университеті қосылды. Қосылған университеттердің қатарында Шымкент қаласындағы 8 жоғары оқу орны бар.

BMG Upskill командасы студенттердің Coursera білім беру платформасына қолжетілімділігін қамтамасыз ету мақсатында, Шымкент қаласындағы ұлттық жобаға қатысқан 8 университетке іс-сапарға барып қайтты.

ЖОО-мен кездесу барысында Teaching Academy-де таңдалған курстарды пайдалана отырып, платформа арқылы оқытушылар мен қызметкерлердің біліктілігін арттыру мүмкіндіктері талқыланды. Сондай-ақ әріптестерге Coursera-ның жасанды интеллектке негізделген жаңа қызметі – жаппай ашық онлайн курс конструкторы таныстырылды.